This Month We Celebrate

We want to change the image of sweet potatoes said Regis Umugiraneza

Our Newsletter

Subscribe our Newsletter and receive notifications of new posts by email.

NSHIMIYIMANA Arcade

2015-08-11 10:52:50

Ihene: Tumenye ubworozi bw'ihene n'uko zitabwaho ngo zitange umusaruro mwiza

Menya byinshi bitandukanye ku bworozi bw’ihene, ushobora kuba wibazaga uti ese ihene iba mu kiraro kingana gute? Ese zororoka gute? Hamwe nibindi bibazo byose wibazaga kuri iri tungo nibyo tugiye kukugezaho mubushakashatsi twagukusanyirije wowe uri gusoma iyi nkuru.

  1. Uko ikiraro kigomba kuba kingana
  • Ihene n’abana bayo zikenera m2 1,20
  • Ihene y’incuke ikenera m2 0,60
  • Ihene ikuze ikenera m2 0,80
  • Isekurume ikenera m2 2
  1. Kororoka

* Ku Ihene 100 zimye, habyara 85

* Ku Ihene 100 zibyara, havuka abana 140 ku nyarwanda na 180 ku za kijyambere

* Ihene yima bwa mbere imaze amezi 11-12 ku nyarwanda, amezi 9 ku za kijyambere

* Ihaka iminsi 149-152 (amezi 5)

* Isekurume imwe ihagije inyagazi 50 kandi itangira kwimya imaze amezi 15 ivutse

* Abana b’ihene bacuka bamaze amezi 3 ivutse bitewe n’ubwoko cyangwa uburyo zororrwa

* Hagati y’imbyari nindi hacamo amezi 9-12

* Abana bihene bavuka bafite kg 2 (isekurume) na kg 1,8 (inyagazi)

* Ihene nyarwanda ishobora kubangurirwa ku isekurume nyamahanga kugirango ibashe kongera ibiro cyangwa umukamo mwiza

* Inyagazi bayikura mu bworozi igihe cyose ifite ibibazo by’ubuzima

* Ihene ikurwa mu bworozi igihe cyose igize imbyaro 6 ku ihena za Kinyarwanda, ni 9 ku za kijyambere ubwo iba ifite imyaka irindwi.

  1. Igaburo

Ihene zitungwa n’ibyatsi bisanzwe Setariya, tribusakumu, urubingo, n’ibisigazwa by’ibikomoka ku buhinzi. Zishobora kurya imvange y’ifu iyo umworozi ashobora kuyibona, ibyo bituma icutsa vuba, ibyara kenshi kandi abana bagakura neza.

Dore uko batanga imvange y’ifu: Ihene yonsa n’abana bayo zihabwa gr 300 cyangwa 400, Ihene zicutse zihabwa gr 50 kugera ku 100, isekurume yimya ihabwa gr 300.

  1. Umusaruro

Isekurume ikuze ishobora gupina ibiro 40, inyagazi igapima kg 30 (ihene za kinyarwanda), iyo ihene ibazwe itanga inyama zingana na 48% by’ibiro byayo ari nzima, kandi ihene 3 zororewe mu kiraro kimwe zishobora gutanga toni 3 z’ifumbire buri mwaka.

  1. Indwara z’ihene
Inzoka zo munda: iyi ndwara ifata ihene nkuru n’intoya igaragazwa no kudakura neza, kuruka , kunanuka, guhinduriza ubwoya no gukorora. Iyi ndwara irwanywa hakoreshejwe kugira isuku n’imiti y’inzoka igihe cyose iyi ndwara yagaragaye.
Ibinwanwa (Ibimwete): Iyi ndwara nayo ifata ihene nkuru n’intoya igaragazwa no kugira umuriro mwinshi 41oc, urukoko ku mu nwa, ibimwete mu kanywa bishobora gutuma amara abyimba bikazana n’ingorane mu guhumeka.
Ruhaha: Iyi ndwara nayo ifata ihene ntoya n’inkuru igaragazwa no kugira umuriro mwinshi 41oc, gupfuna ibimyira bivanze n’amashyira, guhumeka nabi, guhirita, kutabasha kugenda, umutima ugatera cyane.

Byateguwe na Mugiraneza Jean Luc hifashishijwe Imfashanyigisho za Minagri.

 

Related Articles | Izindi nkuru

Be the first to comment!