This Month We Celebrate

Nyirabagwiza Magnifique: “Chicken farming: Quick money, short period with a small house”

Our Newsletter

Subscribe our Newsletter and receive notifications of new posts by email.

 

2016-08-30 15:47:08

Ifumbi y'amabere y'inka n'uburyo bwo kuyirinda

Andi mazina yayo: Mammite mu gifarans, Mastitis mu cyongereza

Indwara y’ifumbi y’amabere ni iki?

  • Indwara y’ifumbi y’amabere ni indwara ifata mu miyoboro y’amabere y’itungo rikamwa
  • Iterwa n’udukoko two mu bwoko bwa bagiteri(Bacteria), twinjirira mu moko y’ibere ririho umwanda cyangwa ririho udusebe, maze twahasanga amata yahasigaye mu gihe cy’ikama, tukiyongera buhoro buhoro, tuva mu ibere rimwe tujya mu rindi, kugera dukwiriye icebe ryose
  • Indwara ibanza kuza mu itungo itagaragaza ibimenyetso (subclinical), ikazagera igihe ibimenyetso bigaragara hanze.
  • Mu Rwanda, iyi ndwara ihangayikishije aborozi benshi, cyane cyane abakora ubworozi bwa kijyambere.

Ifumbi ni indwara mbi kubera izihe mpamvu?

  • Itera igihombo kinini mu bworozi kubera ko inka irwaye idakamwa neza
  • Ibere rirwaye ribabaza inka ku buryo itarisha neza
  • Hariho tumwe mu dukoko dutera ifumbi y’amabere dufata abantu n’amatungo ku buryo abantu bashobora kwandura.

Uko yandura

  • Muri rusange isuku nke niyo itera ifumbi
  • Udukoko twinjira mu miyoboro y’ibere bitewe ahanini n’icebe rifite umwanda
  • Umukamyi nawe ashobora kwanduza amatungo mu gihe yabanje gukama icebe rirwaye cyangwa afite imyanda ku intoki.

Ibimenyetso by’ifumbi y’amabere

  • Icebe n’ibere birabyimba cyane, bigahinda umuriro, wakoraho inka ikagutera umugeri kubera ububabare;
  • Itungo rirwaye ntiribasha kurisha
  • Ahafashwe n’uburwayi hashobora kuzamo ibibyimba
  • Iyo bitinze icebe rishobora kuziba burundu
  • Amata y’inka irwaye ifumbi ahindura ibara, agakunda gucika, akagaragaramo amaraso cyangwa ibibumbe;
  • Icebe rirwaye riba rikomeye nk’ibuye iyo urikanze

ifumbi y’amabere y’inka

Uko ifumbi y’amabere yirindrwa

  • Ifumbi y’amabere ni indwara iboneka kenshi, ariko aborozi bashobora kuyirinda bita ku isuku y’inka, iy’ umukamyi, iy’ikiraro n’iy’ibikoreresho. Babigeraho bita ku isuku y’ibintu byose bikora ku mabere y’itungo, birinda ibintu byose udukoko tuyitera twakwihishamo
  • By’umwihariko, umworozi agomba kwita kuri ibi bikurikira
  • kugira isuku mu kiraro ukuka buri munsi uharinda ivumbi cyangwa icyondo;
  • koza neza ibikoresho byogukama ukabyumutsa neza
  • gukaraba intoki n’ isabune, intoki zikumuka mbere yo gukama
  • koza amabere n’utuzi tw’akazuyazi mbere yo gukama
  • guhanagura icebe ukoresheje agatambaro kumutse
  • inka igaragaza ibimenyetso by’ifumbi ikamwa nyuma y’izindi kugira ngo umukamyi abe atashobora kwanduza izindi
  • ibere ry’inka rigaragaza ibimenyetso by’ifumbi na ryo rikamwa nyuma y’amabere mazima kandi ayo mata ntateranywa n’ay’amabere mazima.

Uko ifumbi y’amabere ivurwa

  • inka irwaye ifumbi ivurwa hakoreshejwe imiti yo mu bwoko bwa antibiotics nka Gentamycin,Amoxycillin, procain-penicillin na dihydrostreptomycin sulfate, streptomycin, Amoxycillin trihydrate na Naomycin sulfate. Ariko ni ngombwa kubanza gusuzumisha muri laburatwari kugira ngo hamenyekane umuti nyawo uhwanye n’udukoko turi muri iyo nka.
  • Mu rwego rwo kwirinda ifumbi umworozi agomba kugira akamenyetso ko gusuzumisha buri gihe inka ze yifashishije laburatwari kugira ngo inka zafashwe zivurwe hakiri kare amabere Atari yaziba.

 Byateguwe na Arcade Nshimiyimana (nshimarcade@gmail.com ) hifashishije inyigisho z’ikigo k’igihugu gishinzwe iterambere ry’ubuhinzi

Related Articles | Izindi nkuru

Be the first to comment!