This Month We Celebrate

Nyirabagwiza Magnifique: “Chicken farming: Quick money, short period with a small house”

Our Newsletter

Subscribe our Newsletter and receive notifications of new posts by email.

 

2017-07-04 17:09:00

Gutegura ifumbire y’imborera ku buryo bw’ikirundo

Gutegura ifumbire y’imborera ku buryo bw’ikirundo

Hari uburyo bubiri bwo gutegura ifumbire y’imborera: Umuhinzi ashobora guhitamo gukorera ifumbire y`ibyatsi mu byobo (ingarani) cyangwa se hejuru ku butaka (ikirundo), biterwa n’uko aho akorera hameze: iyo nta kibazo cy`amazi gihari ayikorera hejuru y’ubutaka naho iyo ari mu duce tutabamo amazi ayikorera mu byobo. Muri iyi nyandiko tugiye kuvuga ku gutegura ifumbire y’imborera ku buryo bw’ikirundo.

a) Ibikoresho:

1. Ibyatsi byumye

2. Ibyatsi bibisi

3. Amazi

4. Ifumbire yo mu kiraro cyangwa indi fumbire yaboze neza

5. Ubutaka bwo hejuru, buhingwa,

6. Ivu;

7. Uduti dutoya (amashami) cyangwa se amabuye mato;

Aho iyofumbire ikorerwa hakwiye kuba hari igicucu, ari hafi y`umurima izakoreshwamo kandi ari kure y`aho amatungo ashobora kuyangiza.

b) Uko ikorwa

  • Iyo umuhinzi yiyemeje gukorera ifumbire ye mu cyobo, acukura icyobo cya metero 1 y`ubujyakuzimu, m 2.4 z`uburebure na m 1.20 z`ubugari, naho mu buhagarike ikirundo gishobora kugira m 1.5. Naho iyo atari buyikorere mu cyobo ashobora guhita atangirira ku ntambwe ikurikira.
  • Kurambika amabuye hasi cyangwa se twa dushami tw`ibiti kugira ngo ibyatsi bikoreshwa bidafata hasi umwuka ntiwinjire neza;
  • Kurambikaho ibyatsi byumye;
  • Gusukaho amazi;
  • Kunyanyagizaho ifumbire y`imborera (yo mukiraro);
  • Gushyiraho ibyatsi bibisi , wenda bingana na ½ cy`ibyumye;
  • Kunyanyagizaho ivu;
  • Kongeraho ibisigazwa byo mu gikoni niba bihari;
  • Gushyiraho ubutaka;
  • Kongera gushyiraho ibyatsi byumye;
  • Gusukaho amazi;
  • Ifumbire
  • Ibyatsi bibisi;
  • Ivu;
  • Ubutaka;
  • Ugakomeza…

Ni byiza ko umuhinzi akoresha ibyatsi bike bike kugira ngo bizabashe kubora neza.

  • Iyo ikirundo kimaze kuzura neza gifite nka metero 1.5 umuhinzi ashingamo ku buryo buberamye igiti cyumye kugeza hasi ku ndiba y`ikirundo. Akamaro k`icyo giti ni ukuba igipimo cy`ubushyuhe cy`icyo kirundo.

Umuhinzi akomeza gukurikirana ifumbire ye arebera kuri icyo gipimo cy`ubushyuhe. Aho agishinguye siho yongera kugishinga. Iyo mbonerahamwe yerakana uko akurikirana ikirundo n`ibyemezo afata akurikije uko agisanze:

Icyo igipimo cyerekanye

Icyo bisobanura Icyemezo gifatwa
Igiti kiratose    
Igiti kirakonje Ni bibi cyane:Ibyatisi ntibiratangira kubora

Gusenya ikirundo ugakora ikindi noneho ukongera uburebure bwacyo ndetse n’ingano y’ifumbire

 

Igiti kirashyushye: 65-75oC Ni byiza  

Kirashyushye cyane ,Kirumutse kandi kiriho ibintu by’umweru

NI bibi: Uduhumyo twitwa “ Fire fung”tuba turi kurya Azoti

Gusukamo amazi (litiro 20 kuri m3)

Buri byumweru bitatu umuhinzi ahindura ifumbire ye agamije ibintu bibiri bikurikira:

- Kuvangavanga ibyakoreshejwe byose (Ibyatsi byumye, ibibisi, ivu, ifumbire, itaka, n`ibindi)

- Gutuma hinjiramo umwuka.

Ibintu bishobora kwangiza ifumbire ni izuba (kumagara cyangwa kuguruka) n`imvura (ishobora kuyoronga). Nyuma y`iminsi 63 ifumbire iba imaze kubora neza ku buryo ishobora gukoreshwa cyangwa se ikabikwa. Ifumbire iba itunganye neza igihe utabasha kumenya cyangwa se gutandukanya ibiyigize. Ingano y`ifumbire iboneka iterwa n`uko ibyatsi byakoreshejwe bishanguka (bibora), ariko muri rusange iba ingana na 1/3 cy`ibyakoreshejwe.

Iyi nyandiko yakuwe mu gitabo cyitwa “Duhinge Kijyambere , agatabo ka 2” ko muri Kamena 2012, cya Minisiteri y’Ubuhinzi n’Ubworozi

Yanditswe na NIYIGABA Etienne (eniyigaba@yeanrwanda.org)

Related Articles | Izindi nkuru

Be the first to comment!