This Month We Celebrate

We want to change the image of sweet potatoes said Regis Umugiraneza

Our Newsletter

Subscribe our Newsletter and receive notifications of new posts by email.

NSHIMIYIMANA Arcade

2018-03-29 00:00:00

UBUHINZI BWACU:"IBITEKEREZO KURI GAHUNDA NSHYA YA SMART NKUNGANIRE"

Bahinzi/borozi namwe mukunda ubuhinzi mwaramutseho neza . Ibi ni ibitekerezo byatanzwe mu kiganiro UBUHINZI BWACU cyo kuwa 18/03/2018 , aho twaganiriye ku nsanganyamatsiko yagiraha iti: “GAHUNDA NSHYA YA SMART NKUNGANIRE”. Ni uburyo bushya bwo kwandika abahinzi muri gahunda isanzwe ya nkunganire ariko hifashishijwe ikoranabuhanga. Aho buri wese ukeneye inyongeramusaruro agomba kwiyandikisha muri ubu buryUmuhinzi- mworozi akazi ke ko guhinga no korora niko kamutunga mu buzima bwe bwose kanamufasha kubona ibyo akeneye bindi bisaba amafaranga. Umuhinzi Akenera inyongeramusaruro ngo ubuhinzi bwe bugende neza.

Hibanzwe ku ngingo zikurikira:

Uburyo abahinzi basonukiwe na gahunda NSHYA ya SMART Nkunganire

·    “Smart nkunganire iri muri gahunda nziza abanyarwanda twihaye yo guteza imbere

ikoranabuhanga nk'igisubizo mu kunoza ibyo dukora kandi vuba.”

·    “Abahinzi mpamya ko batarumva neza ibyiza bya SNS ark nibamara gusobanukirwa neza bazayigana kko izafasha benshi kubona ibicyenerwa muri gahunda yabo y'ubuhinzi bwaburi munsi »

·    “Mpereye na hano amakuru afitwe n'abantu bacyeya cyane kuburyo rero kugera

k"umuturage wo hasi bihoranye (On donne ce que on a)”

·    “Abahinzi rero ntabwo barasobanukirwa neza hifashishizwe abajyanama bubuhinzi,abafashamyumvire,abacuruzi b'inyongeramusaruro bamwe barabyumva ariko ni bake harasabwa ubufatanye ,ubukangurambaga aho dutuye aho tugenda ,aho dukorera imfashanyigisho zaratanzwe numva nitubanza tukabyumva bizatanga umusaruro »

Ibyiza by'iyi gagunda

·    “Iyi gahunda ni nziza cyane kuko kuba iyi gahunda yaratekerejwe n'ikigo cya Banki ikomeye, mbona bizatuma byongerera Abahinzi gukorana n'Ibigo by'imali. Ikindi bizatuma hatabaho kubeshya ubuso kuko hazakoreshwa ubuso buzi kandi bwanditse ku cyangombwa cy'ubutaka”

·    “Kumenya neza abahinzi bacyenera nkunganire no gutegura igena migambi muri nkunganire kumbuto n'ifumbire »

·    “Haracyigwa n’uburyo umuhinzi azajya ahabwa inguzanyo yo kugura inyongeramusaruro binyuze muri SNS. Umuhinzi akazajya ahabwa agakoresho kameze nk’agafunguzo kazajya gahsyirwaho iyo nguzanyo, kagasomwa n’ikindi gikoresho AGDs azaba afite.”

·    “Uretseko abantu bo mu bigo bikomeye nka RAB n' ibindi bagerageza gushaka aho barira ariko bitaribyo ntampamvu ya za mission kuko dufite Abajyanama b' ubuginzi mu Mudugudu yose hamwe n' Abafamyumvire; bifashishwe gahunda ya SNS igere kuntego zayo.”

·    “iyigahunda ya SNS kuko izafasha abahinzi kwihutisha ibikenerwa mu itangira ry' ihembwe cyihinga ariko ababifite mu nshingabo bakore ubukangurambaga bwimbitse abahinzi babyumve vuba kdi bikorwe vuba.”

·    “SNS ni system nziza izafasha abahinzi,abacuruzi binyongeramusaruro nigihugu muri

Rusange akavuyo kabaga muri subsidies kazagabanyuka »

·    « Iyi gahunda ya SNS no nziza cyane nimara kumenyerwa izagabanya igihe cyakoreshwa

,amafaranga yagendaga kuva kuri Ministere bajya kuzana ziriya mpapuro mu mirenge na verification yazo ndetse mu nzego zibanze bizoroha ».

Imbogamizi igaragaza

·    “kuba abahinzi benshi badasobabukiwe iri koranabuhaka ikindi bakaba babyihutisha aho bavugako mu gihembwe gitaha aribwo buryo buzakoreshwa hatangwa imbuto n' ifumbire.”

·    “Umubare munini w'Abahinzi ntibazi gukoresha telefone ku buryo kwiyandikisha

bazitabaza abandi bakabandikisha.”

·    “Umubare munini w'Abahinzi ntibatunze telefone ndetse n'abazitunze ntibazi kuzikoresha neza.”

·    « Iyo system nkiyi itangiye abayishyize bifuza resultant vuba ngo berekane ko igikorwa bakoze ari ingirakamaro(Ministere+RAB)bagashyira igitutu kunzego zibanze zishinzwe kibishyira mubikorwa bityo ya technique igatangira ubwo batitaye kubushobozi n'ubumenyi abashinzwe kubishyira mubikorwa bifite ».

·    “Iyi gahunda ni nziza gusa ifite intege nke cyane kuko mperuka babiduhugura gusa sinongeye kumenya amakuru yayo cyane ko nubusabe bwanjye agronome wagombaga kubwemeza atabikoze. Birasaba imbaraga nyinshi no kwegera abagenerwabikorwa cyane ko abenshi nta telephone bagira ndetse n'abazifite ari babandi baza kukubwira ngo ubashyiriremo uwo bagiye guhamagara”

·    “Ubu wasanga RAB hari amafrw menshi izishyura BK tech House, ndetse igategura na mission nyinshi zaba technicians bajya kuri terrain muri mobilization, ikabagirwa kuzana kugihe imbuto n'ifumbire”

·    “Cyera nigeze kumva ikigo cy'Igihugu cyacuruzaga Umuriro,mbere bitarahinduka ngo cyaguze software ya 4 miliyari ntiyakoreshwa,ubu twizere iki muri uyumusaruro wa RAB & BK kuri SNS?”

·    “Ibyo uvuga somehow nibyo RAB na BK house bikwiye kudutangariza ikiguzi cy'iyi system ariko batanabikoze akazi kakomeza kuko no kwakira services ku irembo.gov.rw byabanje kudutonda none ubu n'umucyecuru utazi gusoma no kwandika yamenye kunyura ku irembo.gov.rw mu gihe ashaka icyangombwa.”

·    “Twe kuba aba negativist,iyi gahunda izacyemura byinshi. Yego hagomba kuba ubukakurambaga cyane kubahinzi. Kko benshi batabisobanukiwe bigoye Kubaka ID na UPI bagirango bigiye gukoreshwa ibindi”

·    “Nasuye urubuga rwa SMART nkunganire nsanga rwose ruri mu cyongereza nta

mahitmo y'ikinyarwanda ihari. Ndabona umuhinzi atabasha kuyikoresha ubwe, hakenewe

abantu bazajya bafasha abahinzi kumebya ibyanditse”

·    “Gutinda gusobanukirwa no gushira mu bikorwa iyi gahunda bishobora guterwa n'

urwego rw' ubumenyi ( level of education) abahinzi benshi bariho”.

·    “Nshyigikiye iki gitekerezo kuko usanga ubushobozi bafite, ubumenyi bafite ari hafi ya ntabwo kuburyo kumufata ukamuhugura ukamutuma guhugura abandi ababikora ni bake nabo kandi kuburyo butanoze kubera level of education, imyaka ye myinshi nizindi nshingano aba afite »

·    « Abashinzwe kwemeza umuhinzi nta bikoresho bafite (computer, internet connexion )

bigatuma abahinzi benshi batabona ubutumwa bubemerera cg bubahakanira »

Uko izo mbogamizi zavaho

·    “Inzego zose zireberera abaturage bakwiye kumanuka mu giturage bakandikisha

abaturage muri SNS.”

·    “Ifite koko n'imbogamizi zitandukanye gusa byinshi byarakozwe nko kwegereza abaturage itumanaho, gushyira intore mu ikoranabuhanga ubu ziri mu turere dutanu ariko biteganyijwe ko zizagezwa no mu tundi turere muri uyu mwaka. Izi ntore "Digital Ambassadors" zunganira abaturage kwiga ikoranabuhanga cyane cyane rikorerwa kuri Telephone.”

·    “Ibi ndabona bizasaba abajya kwandika abahinzi kuri terrain kdi bizatwara igihe ndetse

no kumva ko aringobwa kko no kwandikisha simcard kubyumva byaratugoye cyane

·    kubwira umuturage ngo aguhe ID&icyangobwa cyubutaka ni intambara bahita bumva ko

leta izahatwara bisaba ubukangurambaga bw'imbitse”

·    “Guha telephone ngendanwa abafashamyumvire nabajyanama bubuhinzi no kubahugura

kugirango bandike abahinzi”

·    “Gushyiraho aba SNS facilitator kurwego rwaburi murenge”

·    “Gutegura SNS week kugirango Bose biyandikishe banabikanguriwe”

·    « Ababishinzwe bishaka resultant akaka kanya kuko abahinzi ntibarasobanukirwa na gahunda ,bahe telephone Abajyanama b'ubuhinzi,Ku mirenge nta connection zihari bamwe nta laptop bafite,Hakenewe rero mobilisation yimbinzi ndetse n'ubushobozi . NB:Nkubu batangiye ranking yuko uturere duhagaze mukuzuza SNS ibi iyo Minister

,Governor, Moyor babibonye urugamba ruba rutangiye bashaka umwanya wa mbere ,ubu igitutu nicyose kuri ba Sector Agronomist ngo bakoreshe uko bashoboye ».

·    « Abajyanama/abafashamyumvire bakora nk'abitanga iyo baza kuba bagenerwa ibihembo kuko bakora ingendo nyinshi kandi zitwara umwanya n'umutungo.gusa byo imyaka myinshi ikunda guhura n'Imbogamizi ku buryo yabasha kwubahiriza ibyo ateganywaho »

·    “Gushyiraho umu young graduate muri buri murenge wo kunganira agronome kubera izindi nshingano agira. Nkuko yari yabigarutseho ko hari gahunda ya DAP:Digital Ambassador Program um we mu miti irambye, n'urufunguzo rw'iterambere. muri buri karere , Mbona byarushaho kuba byiza Ku Rwego RWA buri murenge.”

Icyitonderwa:

Ibitekerezo byatanzwe byose ntago byagarajwe hano bitewe n’uko ari ikiganiro kirekire cyane

hagiye hatoranywamo imirongo migari ikavugwa muri make.

Amazina yabatanze ibitekerezo ntago yagaragajwe muri iyi nkuru gusa amagambo yose ari mu

utwuguruzo n’utwugarizo (“…”) yose yandikuwe uko yanditse mu kiganiro. Ikiganiro nk’iki kiba buri ku Cyumweru guhera saa mbiri za mugitondo.

Ushaka gukurikira ibi biganiro ukaba uri umuhinzi/umworozi cyangwa umugoronome/veterineri ku rwego urwo arirwo rwose nawe wasaba kujya k’urubuga rwa YEAN Whatsapp unyuze kuri nimero ikurikira: +250 788 845 727 ,wakurikira YEAN kuri facebook cyangwa kuri twitter

#UbuhinziBwacu @YEAN_Rwanda

Ibitecyerezo byatanzwe muri iki kiganiro ni ibyatanzwe n’abahinziborozi ntago ari cyangwa

bihagarariye ibitekerezo bya YEAN.

 

Related Articles | Izindi nkuru

Be the first to comment!