This Month We Celebrate

We want to change the image of sweet potatoes said Regis Umugiraneza

Our Newsletter

Subscribe our Newsletter and receive notifications of new posts by email.

NIYIGABA  Etienne

2018-05-21 10:00:00

Kwitegura igihembwe cy’ihingwa C , ibyiza byo guhinga muri iki gihembwe n’ibihingwa bigihingwamo

Kwitegura igihembwe cy’ihingwa C , ibyiza byo guhingwa muri iki gihembwe n’ibihingwa bigihingwamo

Umuhinzi wabigize umwuga ahera kubyo abona bigaragara kw’isoko n’ibikenewe agahinga akurikije isoko rye uko rimeze, ntapfa guhinga atabanje gutegura uko azagurisha umusaruro we igihe bizaba byeze. Igihembwe cy’ihinga C ni igihembwe kidakunzwe guhingwa n’abahinzi benshi kuko gisaba imirimo yihariye ikorerwa ibihingwa ariyo kuhira. Iki gihembwe gitangira muri Gicurasi kigasozwa muri Kanama ya kuri mwaka.

Muhizi wifuza kubyaza iki gihembwe umusaruro uhagije , amahirwe arahari kuko aricyo gihe cyiza kibereye gukura kuzira kwangizwa n’ibiza bitutuka ku mvura n’imyuzure. Uhinga wizeye ko imihindagurikire y’ikirere ntacyo izagutwara kuko iki ari igihe cy’impeshyi , uziko wizigamiye kuhira ibihingwa byawe. Sobanukirwa n’iki gihembwe kidasanzwe muri iyi nyandiko twabagejejeho mbere Dusobanukirwe n'igihembwe cy'Ihinga C

Ibyiza byo guhinga muri iki gihembwe:

·       Haba hari izuba rihagije

Ibihingwa hafi ya byose bikunda izuba kuko ariryo ribifasha gukora ibi bitunga biturutse ku mirasire y’izuba ifasha mu gukora ibigize igihingwa bikorerwa mu bibabi by’ibihingwa . Iyo izuba ribonetse igihe kinini bituma igihingwa kigira igihe kinini  cyo gukora ibigitunga hanyuma kigakura neza cyihuta , iyo ryabaye ricye ntago gikora ibigitunga neza maze gukura kukagenda gahoro n’umusaruro ukagabanyuka. Izuba rero ni ikintu gikomeye mu mibereho y’igihingwa.

·       Nta kibazo cy’imyuzure kibaho

Iki kibazo gikomeje gufata indi ntera mu buhinzi bwacu , kuko usanga igihe twahinze mu bindi bihembwe A na B imvura iyo ibaye nyinshi bitera imyuzure n’isuri ikabije ibyahinzwe ku misozi bigatwarwa n’ibyahinzwe mu bishanga bikarengerwa n’amazi. Ibi bigabanya cane umusarur kuko nta buryo bwo kurengera ibyangijwe buba buhari.

·       Indwara zikomoka ku mvura nyinshi ntazo

Ibihngwa bimwe cyane ibinyamisongwe n’ibinyabijumba bikunda kugira ikibazo cyo kubora kw’imiteja n’ibijumba biturutse ku mvura nyinshi n’imyuzure.Iyo uhinze mu mpeshyi ibi ntibibaho.

·       Uburyo bwiza bwo gusarura no kwanika umusaruro

Kubera umucyo uba uhari , imirimo yo gusarura, kwanika no kugurisha umusaruro ikorwa neza, bikagabanya umusaruro utakara mu gihe cyo gusaruro no kwanika , kandi bikanagabanya igihe umuhinzi akoresha muri iyi mirirmo.

·       Isoko riba riboneka ku mwero

Bitewe n’uko Ahantu hahingwa kugeza ubu muri iki gihembwe cya C ari hake ndetse n’abahinzi bakaba bataritabira cyane iki gihembwe, bitewe n’imbaraga bisaba cyane cyane iz’amafaranga mu kuhira, usanga umusaruro ubonetse uba ukenewe cyane ku masoko . Ibiciro nabyo aba ari byiza ku ruhande rw’umuhinzi.

Ibihingwa byibandwaho mu gihembwe cy’ihingwa C

Iki gihembwe kigira igihe gito ukurikije n’ibindi bihembwe , amezi atatu cyangwa ane bikaba bigeze muri Nzeri tugatangira igihembwe cya A cy’undi mwaka. Ibi rero bituma ibihingwa bihingwamo ari bimwe bidatinda mu murima byerera amezi atatu. Ibyo ni nk’ibinyamisogwe: Imiteja, ibishyimo, soya, amashaza,…. , Imboga : Amashu, Karoti, imbwija, epinari , cereri, intoryi, inyanya, biringanya, puwavuro, choux fleur, ibitunguru, …

 Byateguwe na NIYIGABA Etienne (eniyigaba@yeanrwanda.org)

   

Related Articles | Izindi nkuru

Be the first to comment!