This Month We Celebrate

We want to change the image of sweet potatoes said Regis Umugiraneza

Our Newsletter

Subscribe our Newsletter and receive notifications of new posts by email.

Niyigaba Etienne

2018-10-22 14:30:00

Ubuhinzi bwacu: Inshamake y’ikiganiro: Imikoreshereze y'ikoranabuhanga m'ubuhinzi n’Ubworozi [igice cya 1]

Ubuhinzi bwacu: Inshamake y’ikiganiro: Imikoreshereze y'ikoranabuhanga m'ubuhinzi n’Ubworozi

Kuwa 7 Ukwakira habaye  ikiganiro  UBUHINZI BWACU gitegurwa n’ubuyobozi bw’ihuriro ry’urubyiruko mu Buhinzi n’Ubworozi ( YEAN ). Iki kiganiro cyagarutse kunsanganyamatsiko  igira iti: IMIKORESHEREZE Y'IKORANABUHANGA M'UBUHINZI.  Imwe mu mpamvu hateguwe iki kiganiro yaturutse ku nama zitandukanye zimaze iminsi zigaruka ku kamaro ko gukoresha ikoranabuhanga mu buhinzi n’ ubworozi mu gihugu. Iki kiganiro cyabereye ku mbuga nkoranyambaga za YEAN ari zo  Whatsapp na Facebook  mu buryo nyunguranabitekerezo; gitangira saa mbiri za mu gitondo gisozwa saa mbiri z’umugoroba.

INTEGO Z’IKIGANIRO 

Intego nyamukuru y’ikiganiro yari u kungurana ibitekerezo ku  Ikoranabuhanga nk’inyunganizi mu kurushaho kongera umusaruro,kwita ku bwiza bw'umusaruro,kumenyekanisha umusaruro ndetse no gukoresha igihe gito n'imbaraga nkeya mu mirimo yacu y'ubuhinzi n'ubworozi n’ibindi.

Hibanzwe ku ngingo  zikurikira: 

  • Ubumenyi bw'umuhinzi/umworozi mu gokeresha ikoranabuhaga
  • Ibikenewe kugira umuhinzi/umworozi abashe gukoresha ikoranabuhanga mu mirimoye y'ubuhinzi n ubworozi
  • Imbogamizi
  • Ibisubizo kuri izo mbogamizi
  • Uruhare rw'ibigo by'ubuhinzi/ubworozi, agoronome,veterineri na Leta mu guteza imbere umuco wo gukoresha ikoranabuhanga mu ubuhinzi/ubworozi.

IMIGENDEKERE Y’IKIGANIRO

 Abitabiriye ikiganiro  batanze ibitekerezo binyuranye  ari na byo tubagezaho muri make mu buryo bukurikira.

 Ø  Ubumenyi bw’umuhinzi mu gukoresha ikoranabuhanga  mu buhinzi n’ ubworozi 

Muri rusange hagaragajwe ko umuhinzi ataragira  ubumenyi mu  mikoreshereze y’ ikoranabuhanga  mu buhinzi n’ubworozi ndetse n’irihari akaba adasobanukiwe imikoreshereze yaryo.  Hatanzwe urugero rwa Smart Nkunganire aho hakiri ikibazo cy’uko abahinzi bataramenya kurikoresha cyane cyane abadatunze telefoni kuko bisaba kwiyandikisha  akoresheje telefoni.

Ø  Ibikenewe kugira umuhinzi/umworozi abashe gukoresha ikoranabuhanga mu mirimo ye y'ubuhinzi n ubworozi 

Abagize uruhare mu kiganiro bagaragaje ko zimwe mu mpamvu usanga  imyumvire  y’umuhinzi/mworozi ku ikoreshwa ry’ikoranabuhanga mu mirimo ye harimo ko  adasobanukiwe. 

Hatanzwe urugero rw’aho usanga ibikoresho byagenewe kunoza ubuhinzi nko kuhira no guhinga  usanga abahinzi batabikoresha ahubwo ugasanga  bahisemo gukoresha  uburyo gakondo basanganywe.

Uretse umuhinzi/mworozi kandi, hagaragajwe ko usanga no mu bashinzwe  ubuhinzi  banabyigiye nta bumenyi buhagije bafite ku mikorereshereze y’iri koranabuhanga kubera ko usanga ntaho bahuriye  n’ibikoresho byabugenewe.

Kugirango  iki kibazo gikemuke hatanzwe ikifuzo ko hategurwa amahugurwa ku bahinzi  ndetse n’abafashamyumvire  mu buhinzi  ku ikoranabuhanga rikoreshwa mu buhinzi.

IMBOGAMIZI ZAGARAGAJWE

o   Ubumenyi buke mu bafashamyumvire  mu buhinzi bworozi

Hagaragajwe ko bamwe mu bashinzwe  ubuhinzi n’ubworozi bafite ubumenyi buke ku ikoreshwa ry’ikoranabuhanga mu buhinzibworozi bigatuma na bimwe mu bikoresho byabugenewe bihari bidakoreshwa uko bikwiye. Hisunzwe urugero rw’amwe mu makoperative usanga afite ibikoresho by’ukoranabuhanga  mu buhinzi/bworozi ariko ugasanga bidakoreshwa bitewe n’uko abafashamyumvire babo batabisobanukiwe. 

Guhenda kw’ibikoresho bikenerwa mu ikoranabuhanga mu buhinzi bworozi:

Hagaragajwe ko n’ubwo iri koranabuhanga rikiri hasi ariko ngo risaba amikoro ahambaye ku muhinzi wo hasi.

Hatanzwe urugero rw’uko bigoye umuhinzi kubona ubushobozi bwo guhingisha imashini cyangwa kuhira hakoreshejwe ikoranabuhanga ndetse n’ababishoboye ngo bakaba batinya kubishoramo amafaranga yabo kubera imbogamizi zibamo.

o   Igiciro gito cy’umusaruro gihabanye n’igishoro

Kuri bake batinyutse gukoresha  ikoranabuhanga mu buhinzi  hagaragajwe ko usanga bahura n’ikibazo cy’igiciro umuhinzi agurishaho umusaruro we kiba kiri hasi ugereranyije n’amafaranga aba yarashoye bityo bikamuca integer zo kongera gukoresha ikoranabuhanga mu buhinzi.

o   Kudashyira imvugo mu ngiro

Bamwe mu batanze ibitekerezo bagagaje ko imwe mu mpamvu nyamukuru ituma ikoranabuhanga ridakoreshwa cyane ari uko usanga mu nama zitandukanye zigamije guteza imbere ubuhinzi n’ubworozi usanga abazitabiriye kenshi baba batarize ubuhinzi badashyira mu bikorwa ingamba ziba zafatiwe muri izo nama ndetse n'abize ubuhinzi banabukora ugasanga rimwe na rimwe badasobanukiwe n’imikoreshereze y’iryo koranabuhanga n’aho barisanga  ngo bige kurikoresha.

IBISUBIZO KU MBOGAMIZI ZAGARAGAJWE

Nyuma yo kungurana ibitekerezo ku mbogamizi zigaragara mu ikoreshwa ry’ikoranabuhanga mu buhinzi, abitabiriye ikiganiro  banagaragaje bimwe mu bisubizobikwiye gushakirwa izo mbogamizi. Bimwe muri ibyo bisubizo ni ibi bikurikira:

  1. Hakwiye kumvikana  ko ikoranabuhanga  rikwiye kuba igisubizo  ki kigezweho kandi kirambye ku iterambere ry’umuhinzi  hagamijwe guhuza igishoro ku buhinzi bwe  n’icyo abuvanamo.
  2. Hakenewe gutegurwa amahugurwa kwikoranabuhanga rikoreshwa mubuhinzi yaba kubahinzi nyirizina ndetse n’abafashamyumvire mu buhinzi.
  3. Hakwiye  ubukangurambaga mu baturage  kugirango  bitabirre kurikoresha.
  1. Ibigo by’ubuhinzi n’ubworozi ndetse na leta bikwiye kugira uruhare mu ikoreshwa ry’ikoranabuhanga mu buhinzi n’ubworozi no kugenzura aho bamaze gushyira imbaraga ngo abahinzi babone ikorananabuhanga rikenewe
  2. Abashinzwe ubuhinzi/ubworozi (Agronome/Veternaire) bakwiye gukorana umurava mu gufasha abahinzi/borozi bitabaye ibyo iterambere mu buhinzi rizakomeza kuvugwa ariko ntirizagera ku rwego byakabaye bigerwaho
  3. Hakwiye kubaho  impinduramatwara yo gushora byinshi mu buhinzi.
  4. Hacyenewe ubukangurambaga ndetse no korohereza umuhinzi n umworozi wifuza gukoresha ikoranabuhanga
  5. Hakwiye gutezwa imbere ubufatanye mu ishyirwa mu bikorwa ryo gukoresha ikoranabuhanga mu buhinzi n’ubworozi 

Icyitonderwa:

  1. Ibitekerezo byatanzwe byose ntago byagarajwe hano bitewe n’uko ari ikiganiro kirekire cyane hagiye hatoranywamo imirongo migari ikavugwa muri make.
  2. Amazina yabatanze ibitekerezo ntago yagaragajwe muri iyi nkuru gusa amagambo yose ari mu utwuguruzo n’utwugarizo (“…”) yose yandikuwe uko yanditse mu kiganiro. Ikiganiro nk’iki kiba buri ku Cyumweru guhera saa mbiri za mugitondo.
  3. Ushaka gukurikira ibi biganiro ukaba uri umuhinzi/umworozi cyangwa umugoronome/veterineri ku rwego urwo arirwo rwose nawe wasaba kujya k’urubuga rwa YEAN Whatsapp unyuze kuri nimero ikurikira: +250 788 845 727 ,wakurikira YEAN kuri facebook cyangwa kuri twitter #UbuhinziBwacu @YEAN_Rwanda
  4. Ibitecyerezo byatanzwe muri iki kiganiro ni ibyatanzwe n’abahinziborozi ntago ari cyangwa bihagarariye ibitekerezo bya YEAN. 

Related Articles | Izindi nkuru

Be the first to comment!